我啊小龜另外一個老友就係呀蛋是也，這隻呀蛋我重唔喜歡佢，因為佢隻死野在一齊食野時，鬼鬼祟祟經常咬我，但佢咬人又真係咬得我好鬼痛，重要經常放暗箭，唔似得super咁，咬你迷咬你囉！駛死牙！不過這隻陰濕蛋都有佢死穴，就係反轉左唔可以反翻轉頭，九隻龜就係佢唔識蜈蚣彈，你地話佢幾屎，盛係識得陰陰濕濕咬人，總之惡人自有惡人磨，今次臭腳就要佢在眾人面前表現蜈蚣彈！哈哈！
自從特首話得閒就會喂下禮賓府的龜龜食蕉後，我個無知跟風主人又學特首咁，比蕉蕉我地一眾龜龜們試下，不喂由自可，喂左就收唔到火，龜龜們對蕉這樣東西產生了近乎瘋狂的情感，連帶食慾都一並帶起來，一向可以半年不吃東西的我，而家日日唔咬過條蕉就週身唔聚財，為蕉死、為蕉亡、為蕉走人雜差房，（我個無知主人當然是為女）龜龜們對蕉蕉的瘋狂情度已到了爆發革命的邊沿！唔信有片為証，當中包括大龜、波羅包、牛屎、阿豬、阿花，已去到無藥可救的地步了！
我要食蕉蕉新地！我要食！
餓左幾日，餓到有點精神失常，一見到那隻臭腳回來，第一時間就衝出去跟著他，希望有好野到口，因為只有這隻臭腳才懂得調教出暨有營養而又可口的蕉蕉新地，但我跟出跟入十幾轉，都沒有得到我想要的蕉蕉新地，於是就咬佢隻臭腳趾，但他一縮上疏化就在睇電視，有時失望真的比任何事都來得痛苦。
百無聊賴，於是就鑽進cool筍下找一點安全感，但肚子空虛的感覺真的是不好受，唯有在這個自認專業攝影師的臭腳怪面前行來行去，
（我覺得佢幫我影相一點都不專業）我的努力最終都得到回報，可口美味的蕉蕉新地，嘩！好食呀！
成日話我個樣似速龍，你地話下啦！咁靚仔又點會似速龍呀！
食飽後當然要去飲翻啖水，同時當然要痾翻篤屎啦！
網上圖片
最近家中來了兩個新成員，一個叫Super！一個叫呀花！今日整左個地方佢地住，不過就好似唔多喜歡，不斷想爬出去，第一夜回來，沒有欄著Super，它已把露台的花盤搞到反轉，而家又不斷爬真有點擔心。
我係Super個樣係迷好殺！
我係呀花！有點害羞。
我林小龜有時都好有性格，臭腳佢地有時買了貴貴龜糧，我用個鼻聞一下就唔會再理佢，臭腳佢地曾經用飢餓法試途去迫我去食，但我真係只喜歡食蕉，我唔會好似負牛屎、波羅包地，有嘜食嘜，我是龜中龍鳳上等龜，無蕉食我情願絕食，有次經過多日的角力，最終都是我林小龜勝利，臭腳怕我餓壞，都要給我蕉蕉食，我當然唔會客氣，餓了多日之後，一看見有蕉就飛禽大咬，狼吞虎咽，不過食下食下發覺唔多對路，於是把口中的蕉蕉吐出，居然比我發現內藏龜糧，臭腳真蠱惑，但我林小龜都不是蠢龜，當我把所有蕉蕉吃完，留下的龜糧當然會被臭腳發現，他對我說：『小龜，你只吃蕉蕉會營養不良的。』我當然沒有理會他，之後就再沒有蕉蕉食了，而改為好像糊仔的蕉蕉新地，食落都有很濃烈的蕉味，但又有小小龜糧的味道，原來臭腳想到了一個辦法，就是先打龜糧用水軟，之後再同蕉蕉混成糊狀，食落都可以接受，之後還愛上了吃蕉蕉新地，今天見臭腳回來，就一直跟著他做跟班龜，當一見到蕉蕉新地便不顧一切的飛奔過去，差點還撞跌部相機。哈哈！
