林小龜手記: 林小龜寫真集

多謝大家一向的支持，我林小龜的寫真集終於出牌了，這要多謝臭腳佢為我辛勞拍照，大家見到我的照片時，都會問我個殼點解搞成咁，說來話長，我小龜細細個果陣已經比人放在街市度賣，當時的金錢龜唔係咁特別，都係比人用來煲下湯咁，而我就係在臨死前爬出了小販魔掌，在街市濕滑的地上逃走時，被臭腳媽發現而帶反屋企，逃過一劫的，這已經是廿幾年前的事了，當時臭腳年紀細，而臭腳父母都不大懂得養龜，都是抱著自生自滅的態度，我就是和啊貓一起同食同住，每次臭腳媽搞好了貓飯（通常是有飯有魚，和一些煲完湯的渣），我就會爬去和啊貓一起吃飯，如果我去了暗角訓教唔出來，他們是不會找我去食野用飲水，試過最長時間我半年無飲食，同時一路都是在地上爬爬，沒有水池養著，再加上食物不合適和沒有曬太陽，我個殼就發育不健全而變了形，有一次爬爬下，就由露台的洞洞爬了出去，就咁由六樓跌了落街，臭腳發現我不知所蹤，於是同臭腳老豆講，臭腳老豆在露台向下望，發現我在地下餐廳的簷蓬上爬下爬下重未死，於是臭腳老豆就問人借了一長木梯，爬上簷蓬把我拯救，我呀林小龜又逃過一劫，哈哈！。而家就唔同曬啦！簡直就係王上王的生活，臭腳每日都會望下我，見我醒著就同我玩下，肚仔餓只要爬出去就會有蕉蕉新地食，這幾年所食的可能比起以前一世所食的還要多，都係因為我林小龜逃過了第四劫，咁第三劫呢？這個慢慢再講，講翻第四劫先，話說幾年前的一個冬天，天氣非常冷，可能一向飲食都是不太合適，營養不良。唔食野口擘擘成日叫，就咁得左肺炎，臭腳好緊張咁四圍問點算，最後帶左我去大圍個醫院度睇大夫，睇左大夫先知道原來我是龜中極品金錢龜，但係臭腳沒有因此而開心，因為佢不停比個大夫係咁省…省…省，大夫講天然地方又點會有瘦肉比龜食架！龜龜都係食下魚食下蝦仔，唔係人食嘜，龜就可以食嘜架！省到臭腳眼濕濕，最後睇完大夫重要帶左七支針翻屋企慢慢打，臭腳又買暖燈又買箱比我訓，果個冬天又溫暖又有水玩，最後得臭腳愛心照顧，冬天過去我就好翻了，就這樣逃過了第四劫。